काठमाडौं : जापानको राजधानी टोक्यो बुधाबार शक्तिशाली भूकम्प गएको छ । बुधबार साँझ भूकम्पको ठूलो धक्का महशुस गरिएको बताइएको छ । राष्ट्रिय भूकम्प विज्ञान केन्द्रले ७.१ म्याग्नेच्युटको भूकम्प गएको जनाएको छ ।

भूकम्पपछि उत्तरी जापानमा सुनामीको चेतावनी दिइएको छ । जापानी प्रसारण संस्था एनएचकेका अनुसार उत्तरपूर्वी जापानमा केन्द्रबिन्दु बनाएर बुधबार राति गएको उक्त भूकम्पको धक्का राजधानी टोकियोसम्म महशुस गरिएको थियो।

भूकम्पपछि जापानमा सुनामीको चेतावनी जारी गरिएको छ। भूकम्पबाट भएको क्षतिको विवरण आउन बाँकी छ। भूकम्पपछि झन्डै २० लाख घरमा बिजुली अवरूद्ध भएको समाचार संस्था एएफपीले जनाएको छ। फाइल तस्विर

यस्तै यस्तै जापानले युक्रेनका घटनाहरूको सम्बन्धमा रुसलाई सबैभन्दा मनपर्ने राष्ट्रको दर्जाबाट वञ्चित गर्ने निर्णय गरेको प्रधानमन्त्री फुमियो किशिदाले बताउनु भएको छ। “हामी रूसलाई सबैभन्दा मनपर्ने राष्ट्र शासनबाट बाहिर राख्दैछौं,” किशिदाले भन्नुभयो।

विश्व व्यापार सङ्गठनको सदस्यको रूपमा रुसलाई सबैभन्दा मनपर्ने राष्ट्रको रूपमा लिइएको थियो । रुसले सन् २०१२ देखि विश्व व्यापार सङ्गठनको सदस्यको रूपमा मोस्ट-फेभेर्ड नेसनको फाइदा उठाउँदै आएको छ। जापानले रुसमा विलासिताका सामानको निकासीमा प्रतिबन्ध लगाउने र रुसबाट धेरै सामानको आयातमा पनि प्रतिबन्ध लगाउने किशिदाले बताउँनु भएको छ।

जापानले जि-७ सँगसँगै रुसलाई विश्व बैंक र अन्य अन्तरराष्ट्रिय संस्थाहरूबाट लगानी प्राप्त गर्न गाह्रो बनाउन उपायहरू अबलम्बन गर्ने जनाएको छ। टोकियोले रुसी राष्ट्रपतिको नजिकको “रूसी कुलीन वर्ग” को दायरा विस्तार गर्ने र तिनीहरूको सम्पत्ति रोक्का गर्दै रुसमाथि क्रिप्टोकरेन्सी सम्बन्धी प्रतिबन्धहरू पनि लगाइनेछ बताएको छ।

By admin

Leave a Reply

Your email address will not be published.